സ്നേഹപ്രകടനത്തിനായി മനുഷ്യനടക്കമുള്ള ജീവജാലങ്ങള്‍ ഉപയോഗിക്കുന്ന ഒരു മാര്‍ഗ്ഗമാണ് ചുംബനം.
ചുണ്ടു കൊണ്ടുള്ള സപർശനത്തെയാണ്‌ ചുംബനം എന്ന് പറയുന്നത് .
പ്രണയത്തിന്റെ പ്രപഞ്ച ഭാഷയാണ് ചുംബനം.
ചുംബനമില്ലാത്ത പ്രണയത്തെയും ദാമ്പത്യത്തെയും കുറിച്ച് ചിന്തിക്കാനാവില്ലപ്രണയിനിയെ ഒന്നു കെട്ടിപ്പുണര്‍ന്ന്‌ ചുംബിയ്‌ക്കാന്‍ ആഗ്രഹിക്കാത്ത കാമുകന്മാരും ചുംബനം ഏറ്റുവാങ്ങാന്‍ ആഗ്രഹിക്കാത്ത പ്രണയനികളുണ്ടാകില്ല.
ചുണ്ടിന്റെ ഈ വൈകാരിക സാധ്യത മനുഷ്യന്‍ മാത്രമല്ല പ്രയോജനപ്പെടുത്തുന്നത്. മറ്റു പല ജീവികളിലും ഇതേ പോലെയോ ഇതിനു സമാനമായതോ ആയ ചേഷ്ടകൾ കാണാൻ സാധിക്കും.മനുഷ്യന്‍റെ ഈ സ്നേഹ വിനിമയ മാര്‍ഗ്ഗത്തിന് എത്രകാലത്തെ പഴക്കമുണ്ടെന്ന് നരവംശശാസ്ത്രജ്ഞർ ഇതു വരെ കണ്ടെത്തിയിട്ടില്ല. മനുഷ്യൻ ഉണ്ടായ കാലം മുതൽക്കേ ചുംബിച്ചിരുന്നു എന്നു വേണം കരുതാന്‍.
ചുംബനത്തിന്റെ രീതികള്‍ക്കും അര്‍ത്ഥങ്ങള്‍ക്കും പ്രാദേശികവും സാന്ദര്‍ഭികവുമായ ചില വ്യത്യാസങ്ങള്‍ കാണപ്പെടുന്നു.
പ്രണയിക്കുന്നവർ ചുണ്ടുകൾ പരസ്പരം ഉരസിയും കോര്‍ത്തു പിടിച്ചുമാണ് സ്നേഹം പ്രകടിപ്പിക്കുന്നതെങ്കില്‍ അമ്മ മക്കളെ വാത്സല്യ പൂര്‍വ്വം കവിളിലോ നെറ്റിയിലോ ആണ് ചുംബിക്കുന്നത്. അനുഗ്രഹം കൊടുന്നതിനായി ചുംബിക്കുന്നത് നെറ്റിയിലാണ്.
ചുംബനം ഒരു കലയാണ്.
മനസ്സിന്റെ ഈണവും ശരീരത്തിന്റെ താളവും വികാരങ്ങളുടെ ആരോഹണാവരോഹണങ്ങളും ചുണ്ടുകളില്‍ സമന്വയിക്കുന്ന കല.
ഇന്നിപ്പോള്‍ സ്നേഹപ്രകടനോപാധി, പ്രണയത്തിന്റെ ഭാഷ, കല, എന്നതൊക്കെ കടന്ന് ചുംബനം ഒരു സമര രീതിയായി പരിണമിച്ചിരിക്കുകയാണല്ലോ. നിസ്സഹകരണ സമരം ,ഉപ്പു സത്യാഗ്രഹം, നില്‍പ്പ് സമരം ആറു ദിവസം പ്രായമായ കുഞ്ഞിനെ ഉപയോഗിച്ചുള്ള സമരം തുടങ്ങി വിവിധ സമര രീതികള്‍ ലോകത്തിന് സംഭാവന ചെയ്ത ഭാരതത്തില്‍ ചുംബന സമരവും പുതിയ ചരിത്രം കുറിക്കുമായിരിക്കും.
എന്തായാലും ചുംബന ദിനത്തിലും ചുംബന സമരത്തിലുമൊക്കെ പങ്കെടുക്കാന്‍ ഉദ്ദേശിക്കുന്നവര്‍ ചുംബനത്തെ കുറിച്ച് അടിസ്ഥാനപരമായ ചില കാര്യങ്ങളെങ്കിലും അറിഞ്ഞിരിക്കേണ്ടതുണ്ട്.
ഒരുപാട് ചുംബന രീതികള്‍ നിലവിലുണ്ടെങ്കിലും അതില്‍ പ്രധാനപ്പെട്ടതും വ്യത്യസ്‌തമായതുമായ കുറച്ച് ചുംബനങ്ങളെ ഇവിടെ പരിചയപ്പെടാം
1,ഫ്രഞ്ച് കിസ്സ്‌: ചുംബനങ്ങളിലെ രാജാവ് ഫ്രഞ്ച് കിസ് തന്നെ. ചുണ്ടുകളും നാക്കും പരസ്പരം നുകരുന്ന രീതിയിലുള്ളതാണ്‌ ഈ ചുംബനം.അതുകൊണ്ട് നാവ് ചുംബനം എന്നും ഇതിന് പേരുണ്ട്. ആത്മ ചുംബനം എന്നതാണ് മറ്റൊരു പേര്. ലൈംഗികമായി ഉത്തേജിക്കപ്പെടുന്നതത്രേത്രേ ഫ്രഞ്ച് കിസ്. പശ്ചാത്യ ജനതയ്‌ക്ക്‌ ഏറെ പ്രിയപ്പെട്ട ഈ ചുംബന രീതി ഭാരത സംസ്‌കാരപ്രകാരംവലിയ അപരാധമായാണ്‌ മുന്‍പ്കണ്ടിരുന്നതെങ്കിലും ഇന്ന് കെ എഫ് സി യും പിസായുമൊക്കെ പോലെ നമുക്കും ഏറെ പ്രിയപ്പെട്ടതായി തീര്‍ന്നു ഫ്രഞ്ച് കിസ്
2, ബട്ടര്‍ഫ്ലൈ കിസ്സ്‌: കണ്‍പീലികള്‍ തമ്മില്‍ ചേര്‍ത്തുവച്ച്‌ തുറക്കുകയും അടയ്‌ക്കുകയും ചെയ്യുന്ന രീതിയാണിത് . ഇണയുടെ കവിളിലോ കഴുത്തിലോ കണ്‍പീലികള്‍ ചേര്‍ത്തു വച്ചും ഈ ചുംബന രീതി ചെയ്യാം. ഇങ്ങനെ ചെയ്യുമ്പോള്‍ പങ്കാളിയ്‌ക്ക്‌ ചുംബനത്തിന്റെ വികാരം ശരിയ്‌ക്കും ആസ്വദിക്കാന്‍ കഴിയുന്നു.
3, സിംഗിള്‍ ലിപ് കിസ്സ്‌ (ഏക അധര ചുംബനം): ഇതൊരു പ്രണയചുംബനമാണ്. ഇണയുടെ ഒരു ചുണ്ട് മാത്രം ചുണ്ടാല്‍ തഴുകി, നുകരുന്ന രീതിയാണിത് .
4, എക്‌സിമോ കിസ്സ്‌: ചുണ്ടുകളും മൂക്കുകളും പരസ്പരം ഉരസുന്ന രീതി. നിഷ്‌കളങ്കവും ആത്മാര്‍ത്ഥവുമായ സ്നേഹം പ്രകടിപ്പിക്കാനുള്ള ചുംബന രീതി.എസ്‌കിമോകള്‍ക്കിടിയിലെ ഒരു രീതിയായതിനാലാണ് ആ പേര് വന്നത്.
5, ഇയര്‍ലോബ് കിസ്സ്‌ (ചെവിയിലൊരു ചുംബനം): അധര ചുംബനത്തില്‍ നിന്ന് വ്യത്യസ്തമായി ഇണയുടെ മൃദുലമായ കീഴ്‌ച്ചെവി ചുണ്ടുകള്‍ക്കിടയിലാക്കി താഴേക്ക് വലിക്കുകന്ന രീതി .
6,ചീക്ക് കിസ്സ്‌ (കവിള്‍ ചുംബനം): വായടച്ച് പിടിച്ച് ഇണയുടെ കവിളില്‍ ഉമ്മ വെക്കുന്നതാണ് ഈ ചുംബനം. സൗഹൃദ സന്ദേശം നല്‍കാനാണ് ഇത് സാധാരണ ഉപയോഗിക്കുന്നത്. പങ്കാളിക്ക് ആദ്യരാത്രിയിലെ ആദ്യചുംബനമായി ഇത് നല്‍കാം.
7, നെക്ക് കിസ്സ്‌ : വളരെ വൈകാരികത ഉണര്‍ത്തുന്ന ചുംബനമാണിത്. പിന്നിലൂടെ വന്ന് ഇണയെ മൃദുവായി ആലിംഗനം ചെയ്ത ശേഷം പിന്‍ കഴുത്തില്‍ ചുംബിക്കുന്ന രീതിയാണിത്. പിന്നെ അത് കഴുത്തിന്റെ വശങ്ങളിലേക്ക് പുരോഗമിക്കും.
8, ഹിക്കി കിസ്സ്‌: ചുംബനത്തിനൊപ്പം ഇണയുടെ ചുണ്ടുകളില്‍ മുറിവേല്‍പ്പിക്കുന്ന രീതിയാണിത്. പങ്കാളിയുടെ സന്നദ്ധത കൂടി അറിഞ്ഞതിന്‌ ശേഷം മാത്രമേ ഇത്തരമൊരു ചുംബനത്തിന്‌ മുതിരാവൂ. അല്ലെങ്കില്‍ ഇണ തിരിച്ച് എവിടെ മുറിവേല്‍പ്പിക്കും എന്ന് പറയാനാവില്ല.
9,എയ്ഞ്ചല്‍ കിസ്സ്‌ (മാലാഖ ചുംബനം): മധുരമൂറുന്ന ഒരു ചുംബന രീതിയാണിത്. ഇണയുടെ കണ്‍പോളകളിലോ കണ്ണുകളുടെ വശങ്ങളിലോ മൃദുവായി ചുംബിക്കുകയാണ് ചെയ്യേണ്ടത്.
10, സ്പൈഡര്‍ മാന്‍ കിസ്സ്‌ : 2002 ല്‍ ഇറങ്ങിയ സ്പൈഡര്‍ മാന്‍ സിനിമയില്‍ വന്ന ഒരു ചുംബന രീതിയാണിത്. തലകീഴായി വന്ന് മേല്‍ച്ചുണ്ട് കൊണ്ട് ഇണയുടെ കീഴ്ച്ചുണ്ടിലും തിരിച്ചും ചുംബിക്കുന്ന രീതി.
11, എയര്‍ കിസ്സ്‌ : സുഹൃത്തുക്കള്‍ അഭിവാദ്യം ചെയ്യാനായി ഉപയോഗിക്കുന്ന ചുംബന രീതി. കവിളുകള്‍ തമ്മില്‍ ചേര്‍ത്ത് വച്ച് ചുണ്ടുകള്‍ കൊണ്ട് ചുംബന ശബ്ദമുണ്ടാക്കുന്ന രീതി.
12, ഗോഡ്‌ലിയന്‍ കിസ്സ്‌: ഏറെ നേരം നീണ്ടുനില്‍ക്കുന്നുവെന്നതാണ്‌ ഈ ചുംബനത്തിന്റെ സവിശേഷത. ഏറെക്കാലത്തിന്‌ ശേഷം തമ്മില്‍ക്കാണുന്ന കമിതാക്കള്‍ക്ക്‌ സ്നേഹം പ്രകടിപ്പിക്കാന്‍ ഒരു നല്ല രീതിയാണിത്. ചുംബനം നല്‍കുകയാണോ സ്വീകരിക്കുകയാണോയെന്ന്‌ ഈ രിതിയില്‍ നിന്നും മനസ്സിലാക്കാന്‍ കഴിയില്ലെന്നതും ഇതിന്റെ പ്രത്യേകതയാണ്‌.
13, സമ്പൂര്‍ണ ചുംബനം : പ്രണയത്തിന്റെ ഒരു നിമിഷത്തില്‍ ആവേശത്തോടെ എല്ലാം മറന്ന് നല്‍കുന്ന ചുംബനമാണത്. അപ്പോള്‍ പ്രണയത്തിന്റ പ്രഖ്യാപനം ശരീരത്തിന്റെ ഏതെങ്കിലും ഒരു ഭാഗത്തായി ഒതുക്കി നിര്‍ത്താന്‍ ഇണകള്‍ ആഗ്രഹിക്കില്ല.
14, കൂള്‍ ചുംബനം : വായില്‍ ഐസ് ക്യൂബ് വെച്ച് ഇണയുടെ ചുണ്ടില്‍ ചുംബനം നല്‍കുന്ന രീതി. നാവുപയോഗിച്ച് ഐസ് ക്യൂബ് ഇണയ്ക്ക് കൈമാറുകയും ചെയ്യാം.
15, നെറ്റിയില്‍ ചുംബനം : നെറ്റിയില്‍ നല്‍കുന്ന ചുംബനം വാല്‍സല്യത്തിന്റെയും സൗഹൃദത്തിന്റെയും അടയാളമാണ്.
16, പാദ ചുംബനം : പ്രണയാതുരതയുടെ സൂചനയാണീ ചുംബനം. പാദവും വിരലുകളും ചുംബിക്കുമ്പോള്‍ ഇണയ്ക്ക് ഇക്കിളിയും ഉണ്ടാകും.
17, ഹാന്‍ഡ് കിസ്സ്‌ : കുനിഞ്ഞ് ഇണയുടെ കരം പിടിച്ച് കൈത്തണ്ടയുടെ പുറത്ത് നല്‍കുന്ന ഈ ചുംബനം അതിപുരാതനമായ ഒരു രീതിയാണ്.
18, വുഡ്‌പെക്കര്‍ കിസ്സ്‌ : മരം കൊത്തി മരത്തില്‍ കൊത്തും പോലെ വേഗത്തില്‍ കഴിക്കുന്ന ചുംബനമാണിത്. 'ഹായ്' എന്ന് അഭിവാദ്യം ചെയ്യും പോലെ ഹ്രസ്വം, ലളിതം. ജോലിക്കും തിരക്കിനുമിടയില്‍ കൈമാറുന്ന ചുംബനമാണിത്.
19, ലിസാര്‍ഡ് കിസ്സ്‌( ഗൌളീ ചുംബനം) : ചുണ്ടില്‍ ചുംബിക്കുന്നതിനോടൊടൊപ്പം പങ്കാളിയുടെ വായിലേക്ക് നാവ് കടത്തിയുള്ള രീതിയാണിത്. ചുമ്മാ ഒരു രസത്തിന് വേണ്ടി ഇത് ചെയ്യാം.
20, ബൈറ്റിംഗ് കിസ്സ്‌( ദംശനചുംബനം) : ഫ്രഞ്ച് കിസ്സിന്റെ അല്‍പ്പം അക്രണോല്‍സുകമായ രീതിയാണിത്. ഫ്രഞ്ച് കിസ്സ്‌ പോലെ തന്നെ ചുണ്ടുകളും നാവും പിന്നെ പല്ലുകളും ഉപയോഗിച്ച് ചെയ്യുന്ന ചുംബനം, ചുംബനത്തിനിടയില്‍ ഒരു നിമിഷ നേരത്തേക്ക് പങ്കാളിയുടെ നാവില്‍ ചെറുതായി കടിച്ച് പങ്കാളിയെ പ്രകോപിപ്പിക്കുന്ന ചുംബന രീതി.
ഇതൊക്കെ കൂടാതെ ചുംബനങ്ങളില്‍ രാജാധിരാജനായി നമ്മുടെ സ്വന്തം പറക്കും ചുംബനം ( ഫ്ലെയിംഗ് കിസ്സ്‌ ) നിലകൊള്ളുന്നു.
പിന്നെ
ജീവന്റെ ചുംബനം (കിസ്സ്‌ ഓഫ് ലൈഫ് ) എന്നറിയ
പ്പെടുന്ന ജീവൻ രക്ഷിക്കാനായി കൃത്രിമശ്വാസോച്ഛാസം നൽകുന്ന പ്രക്രിയയും.
ഏതു ചുംബന രീതിയായാലും ചുംബനം ആസ്വാധ്യകരമാക്കാന്‍ ശ്രദ്ദിക്കേണ്ട ചില കാര്യങ്ങളുണ്ട്.
ചുംബനത്തിന്റെ ആസ്വാദ്യത കൂട്ടാനുള്ള ചില കാര്യങ്ങള്‍ താഴെ പറയാം
വായയുടെ ശുചിത്വം ചുംബനത്തിന്റെ ആസ്വാദ്യതക്ക് ഏറ്റവും പ്രധാനമാണ് . നേരിയ വായ്നാറ്റം പോലും പങ്കാളിയുടെ ചുംബിക്കാനുള്ള താല്പര്യം നശിപ്പിക്കാന്‍ ഇടയാക്കും.
പല്ലുകള്‍ക്കിടയില്‍ കുടുങ്ങുന്ന ഭക്ഷണം നാക്കിലെ ഫംഗസ് തുടങ്ങിയവയുടെയൊക്കെ കാര്യത്തില്‍ ശ്രദ്ദ വേണം. ടൂത്ത് ബ്രഷ്, ടൂത്ത് പേസ്റ്റ്, ടൂത്ത് പിക്ക്, ടംഗ് ക്ലീനര്‍, മൌത്ത് വാഷ് തുടങ്ങിയവയൊക്കെ ചുംബന ചുംബനത്തിന്റെ മാധുര്യം കൂട്ടുന്ന കാര്യത്തില്‍ വലിയ സംഭാവനകള്‍ നല്‍കുന്ന ഘടകങ്ങളാണ്.
ചുരുക്കി പറഞ്ഞാല്‍ ചുംബനത്തിനു മുന്പ് ഒരു പല്ല് തേപ്പും നാക്ക് വടിക്കലുമൊക്കെ നല്ലതാണെന്നര്‍ത്ഥം.
ലിപ് മോയിശ്ചരൈസര്‍ ഉള്ള ടൂത്ത് ബ്രഷുകള്‍ ഉപയോഗിച്ചാല്‍ ചുണ്ടുകളുടെ പരുക്കന്‍ സ്വഭാവവും മാറ്റാം .
ചുംബിക്കുമ്പോള്‍ ഇടക്ക് ഒരിത്തിരി നോട്ടി ആകണം. ദീര്‍ഘമായ ഒരു ഫ്രഞ്ച് കിസ്സിനു ശേഷവും പങ്കാളിയുടെ കീഴ്ചുണ്ടില്‍ ഒരു ചെറു കടി കൂടെ കൊടുത്തു നോക്കൂ . എപ്പോഴും ചുംബനം ചുണ്ടുകളിലും വദനത്തിലും മാത്രമായി ഒതുക്കിയാല്‍ ബോറടിക്കും. ചെവികള്‍, കഴുത്തിന്റെ പിന്പുറം, നെഞ്ചിലെ ഇക്ക്ളിപ്പെടുതുന്ന ഭാഗങ്ങളിലുമൊക്കെ ചുംബിക്കുന്നത് നല്ല രസമായിരിക്കും.
ചുംബനത്തിനെ പങ്കാളിയോടോത്തുള്ള ഒരു ഡാന്‍സായി സങ്കല്‍പ്പിക്കുക. ഇടക്ക് സ്വയം ലീഡ് എടുക്കുകയും പങ്കാളിക്ക് ലീഡ് എടുക്കുവാന്‍ അവസരം കൊടുക്കുകയും ചെയ്യണം. കുസൃതി കാട്ടിക്കൊണ്ട് ഇടക്കൊക്കെ ഒഴിഞ്ഞു മാറി പങ്കാളിയെ നന്നായി കൊതിപ്പിക്കണം. കണ്ണില്‍ കണ്ണില്‍ ദാഹത്തോടെ നോക്കി ചുംബിക്കാന്‍ സമ്മതിക്കുമോ എന്ന ടെന്‍ഷന്‍ ഉണ്ടാകണം. അപ്പോള്‍ കിട്ടുന്ന പിടിച്ചടക്കിയുള്ള ചുംബനത്തിനു മധുരം കൂടും.
ചുംബനത്തിന്റെ ഫോര്‍ പ്ലേ കണ്ണും കണ്ണും കൈമാറുന്ന അനുരാഗമാണ്, ഡിസയര്‍ ആണ്. ചുംബനത്തില്‍ പൂര്‍ണമായും കൊന്സേന്ട്രറ്റ് ചെയ്തു മനസ്സിനെ ഏകാഗ്രമാക്കി, ചെറിയ കാര്യങ്ങള്‍ പോലും ശ്രദ്ധിച്ചു പങ്കാളിയെ നമ്മുടെ വഴിയില്‍ കൊണ്ടുവന്നു നമ്മള്‍ ആഗ്രഹിക്കുന്ന രീതിയില്‍ ചുംബനങ്ങള്‍ വാങ്ങിക്കൂട്ടാന്‍ മുകളില്‍ പറഞ്ഞ കാര്യങ്ങള്‍ പ്രാക്ടീസ് ചെയ്‌താല്‍ സാധിക്കും.
ഒരു മഹദ് വചനം കൂടെ പറഞ്ഞ് നിര്‍ത്തിയേക്കാം.
ചുണ്ടുകള്‍ ചുംബിക്കാനായി സൃഷ്ടിക്കപ്പെട്ടവയാണ്
ആരെയും പുച്ഛിക്കാനായി അവയെ ഉപയോഗിക്കരുത്.
- ഷേക്‌സ്പിയര്‍
